ദക്ഷിണ കേരളത്തിലെ പ്രശസ്തമായ ശിവക്ഷേത്രങ്ങളിൽ ഒന്നാണ് തിരുവാറ്റ ശ്രീ മഹാദേവർ ക്ഷേത്രം

 

കൊല്ലം ജില്ലയിലെ കുന്നത്തൂർ താലൂക്കിൽ പടിഞ്ഞാറെ കല്ലട പഞ്ചായത്തിൽ നടുവിലക്കര വാർഡിൽ സ്ഥിതിചെയ്യുന്ന പുണ്യ പുരാതന ക്ഷേത്രമാണ് തിരുവാറ്റ ശ്രീ മഹാദേവ ക്ഷേത്രം

 

ക്ഷേത്രങ്ങളുടെ നാട് എന്ന വിശേഷണത്തിന് അനുബന്ധമായി ശാലീനവും പ്രകൃതിരമണീയമായ കല്ലടയാറ് ഈ നാടിന് ഹരിതാഭം ആകുമ്പോൾ ഇവിടുത്തെ ക്ഷേത്രങ്ങളിൽ നിന്നു മുയരുന്ന ശബ്ദനാദം ഈ നാടിനെ ഭക്തിസാന്ദ്രമാക്കുന്നു. 

 

തിരുവാറ്റയിൽ കുടികൊള്ളുന്ന ശിവശക്തിയിൽ വിശ്വാസം അർപ്പിക്കുന്നവർ വർദ്ധിച്ചുവരുകയാണ് അതുകൊണ്ടുതന്നെ ഈ ക്ഷേത്രം സമീപപ്രദേശങ്ങളിൽ വരെ പ്രശസ്തിയാർജിക്കുന്നു 

 

തിരുവാറ്റ ശ്രീ മഹാദേവക്ഷേത്രം സ്ഥാപിതമായിട്ട് ഏതാണ്ട് 350 വർഷങ്ങൾ ആയിട്ടുണ്ട്. എന്നാൽ ക്ഷേത്രത്തിൻറെ ഐതിഹ്യം പരിശോധിക്കുമ്പോൾ വളരെയേറെ വർഷങ്ങൾക്കു മുമ്പ് തന്നെ ഇവിടെ ശിവക്ഷേത്രം ഉണ്ടായിരുന്നതായി വിശ്വസിക്കേണ്ടിയിരിക്കുന്നു. അതിനു സമാനമായ തെളിവുകൾ ഈ പുണ്യഭൂമിയിൽ പലഭാഗങ്ങളിൽ കാണാൻ സാധിച്ചിട്ടുണ്ട്. ഈ നദീതീരത്തെ സ്ഥിതിചെയ്യുന്ന ശിവക്ഷേത്രം നിലനിൽക്കുന്ന സ്ഥലം എന്തുകൊണ്ടും ഭക്തിയുടെ അന്തരീക്ഷത്തിന് അനുയോജ്യമാണ്.