മലനട എന്ന വാക്കിൻറെ അർത്ഥം മലയിൽ ഒരു ക്ഷേത്രം എന്നാണ്. മറ്റു ക്ഷേത്രങ്ങളിൽ നിന്നും വ്യത്യസ്തമായി പോരുവഴി പെരുവിരുത്തി മലനിടയിൽ ഒരു പ്രതിഷ്ഠയോ ശ്രീകോവിലോ ഇല്ല. ശ്രീകോവിലിന്റെയും പ്രതിഷ്ഠയുടെയും സ്ഥാനത്ത് ഒരു മണ്ഡപമാണ് ഇവിടെ

 

മഹാഭാരതത്തിലെ ഇതിഹാസ കഥാപാത്രമായ ദുര്യോധനൻ ആണ് മലനടയിലെ സങ്കൽപമൂർത്തി എന്നാണ് വിശ്വാസം. ‘തമോഗുണ’ പ്രേരകമായ ചിന്തകൾക്കും പ്രവൃത്തികൾക്കും പേരുകേട്ട കൗരവ രാജാവായ ‘ദുര്യോധനൻ’ ഒരു ക്ഷേത്രത്തിലെ പ്രധാന ദേവനായി ആരാധിക്കപ്പെടുന്നത് പോലെ ഈ ആശയം ഇന്ത്യൻ ചരിത്രത്തിൽ സവിശേഷമാണ്.

 

പാണ്ഡവരെ തേടിയുള്ള യാത്രയിൽ ദുര്യോധന മഹാരാജാവ് ഇവിടെ എത്തി. ദാഹവും ക്ഷീണവും തോന്നിയ മഹാരാജാവ് മലനട കുന്നിന്റെ വടക്ക് പടിഞ്ഞാറു കണ്ട കടുത്താംശേരി കുടുംബത്തിൽ ചെന്ന് ദാഹ ജലം ആവശ്യപെട്ടു. നൂറ്റാണ്ട് കൾക്കു മുൻപ് ശീതള പാനിയം ആയി ഉപയോഗിച്ചിരിന്ന ചെത്ത് കള്ള് മഹാരഥന്റെ ദാഹ ശമനത്തിനായി അവൾ നല്കി. പാനീയം നല്കിയ സ്ത്രീ തിരിഞ്ഞു നടക്കുമ്പോൾ അവരുടെ കഴുത്തിൽ കിടന്ന കുറ താലി കാണുകയും, മഹാരാജാവിനു ഇത് താഴ്ന്ന ജാതിയിൽ പെട്ട കുടുംബം ആണ് എന്ന് അദ്ദേഹത്തിന് മനസ്സിൽ ആകുകയും ചെയ്തു. രാജാവിന് ഭ്രഷ്ട് തോന്നിയെങ്കിലും, ഈ സങ്കേതം ദൈവ ചൈതന്യം ഉള്ളത് ആണു എന്നും ഇവിടുത്തെ ഓരോ മണൽതരിക്കും ദൈവ ചൈതന്യം ഉണ്ട് എന്നും അദ്ദേഹം മനസ്സിലാക്കി. ഗിരിവർഗക്കാരാണു എങ്കിലും ഇവർ സിദ്ധൻമാർ കൂടി ആണു എന്ന് അറിഞ്ഞ രാജാവ് സന്തോഷവനായി. പാവങ്ങളുടെ ക്ഷേമത്തിനായും ഈ ദേശത്തിന്റെ നന്മയ്ക്കായും അദ്ദേഹം ഈ മലനട കുന്നിൽ ഇരുന്നു ശിവനെ ഭജിച്ചു. അങ്ങനെ സ്വയം ഭൂവായ ശക്തിയാണ് പോരുവഴി പെരുവിരുതി